Sterkari stoðir til framtíðar

Atvinnustefna Ölfuss 2025–2030

Um Atvinnustefnuna

🔷 Atvinnustefna Ölfuss 2025–2030 er leiðarvísir sveitarfélagsins í atvinnumálum til næstu ára. Hún byggir á víðtæku samráði við íbúa og atvinnulíf og markar skýra framtíðarsýn um fjölbreytt og verðmætt atvinnulíf í sátt við samfélag og umhverfi.

🔷 Þorlákshöfn, Hafnarsandur og sterkir innviðir skapa einstakt tækifæri til uppbyggingar. Atvinnustefnan skilgreinir hvernig þessi tækifæri eru nýtt og hvaða verkefni verða í forgangi til ársins 2030.

  • 2025 - 2030
  • Byggir á víðtæku samráði, greiningum og stöðumati
  • Samráð við íbúa og atvinnulíf
  • Samþykkt af bæjarstjórn 11. desember 2025

Atvinnustefnan er sameiginlegt verkefni okkar allra

Atvinnustefna Ölfuss 2025–2030 hefur verið samþykkt af bæjarstjórn og markar skýran ramma um markvissa atvinnuuppbyggingu til næstu ára. Hún er þó ekki endapunktur, heldur leiðarljós sem þróast í takt við samfélagið og breyttar aðstæður.

Stefnan er lifandi skjal sem tekur mið af nýjum tækifærum, áskorunum og hugmyndum sem spretta fram í samfélaginu. Markmiðið er að atvinnustefnan endurspegli raunverulegar þarfir og framtíðarsýn þeirra sem búa og starfa í Ölfusi og stuðli að stöðugri og sjálfbærri þróun atvinnulífs.

Atvinnustefnan er því opin fyrir ábendingum, hugmyndum og tillögum allan gildistíma hennar. Íbúar, fyrirtæki og aðrir hagsmunaaðilar eru hvattir til að senda inn tillögur sem geta styrkt atvinnulíf og þróun sveitarfélagsins og þannig haft raunveruleg áhrif á framtíð atvinnulífs í Ölfusi.

Grétar Ingi Erlendsson, formaður bæjarráðs Ölfuss

„Atvinnustefnan er sameiginlegt verkefni okkar allra. Ég hvet íbúa og atvinnulíf í Ölfusi til að taka virkan þátt, senda inn hugmyndir og hafa áhrif á þá framtíð sem við viljum skapa saman.“
— Grétar Ingi Erlendsson, formaður bæjarráðs Ölfuss

Atvinnustefnan er sameiginlegt verkefni – Sendu inn hugmynd eða ábendingu.

👥  Taktu þátt og hafðu áhrif.

Framtíðarsýn atvinnustefnunnar

Fjölbreytt tækifæri og aukin lífsgæði

🔷 Fjölbreytt atvinnulíf
Smá og stór fyrirtæki starfa hlið við hlið í Ölfusi. Markmiðið er að styrkja þessa fjölbreytni og skapa fleiri sérhæfð störf sem byggja á sérstöðu svæðisins.

🔷 Höfnin sem burðarás
Þorlákshöfn er lykilinnviður á suðvesturhorni landsins. Uppbygging hafnarinnar og tengd starfsemi eykur samkeppnishæfni og skapar ný tækifæri í útflutningi og þjónustu.

🔷 Nýsköpun og verðmætasköpun
Áhersla er lögð á matvælaframleiðslu, tengda iðnaðarstarfsemi og skapandi greinar sem byggja á aðgengi að orku, landi og hafnaraðstöðu.

🔷 Sterkir innviðir
Aðgengi að orku, skipulögðu atvinnusvæði og góðum samgöngum er forsenda þess að uppbygging í Ölfusi verði sjálfbær og samkeppnishæf.

🔷 Samfélagsleg sátt
Uppbygging atvinnulífs byggir á víðtæku samráði við íbúa, atvinnulíf og hagsmunaaðila og skýrri forgangsröðun verkefna..

🔷 Sjálfbær nýting auðlinda
Á Hafnarsandi og víðar er lögð áhersla á ábyrga nýtingu lands, orku og innviða með langtímahagsmuni samfélagsins að leiðarljósi.

🔷 Framtíðarsýnin snýst ekki um almenn markmið – heldur raunverulega forgangsröðun verkefna í Ölfusi næstu ár 🔷

Áherslusvið Atvinnustefnunnar

Hafnartengd starfsemi

Þorlákshöfn er lykill að vexti, flutningum og útflutningi á suðvesturhorni landsins.

Uppbygging hafnarinnar og tengdra atvinnusvæða styrkir stöðu Ölfuss sem samkeppnishæfs útflutningssvæðis.

Lesa meira

Hafnartengd starfsemi

Þorlákshöfn – lykill að vexti og tengingum

Þorlákshöfn er ein af mikilvægustu atvinnustoðum Ölfuss og lykilinnviður á suðvesturhorni landsins. Hún gegnir mikilvægu hlutverki í flutningum, þjónustu og útflutningi og skapar skýrt samkeppnisforskot fyrir fyrirtæki í sveitarfélaginu.

Uppbygging hafnarinnar og tengdra atvinnusvæða styrkir stöðu Ölfuss sem útflutnings- og framleiðslusvæðis.

Áherslur í hafnartengdri starfsemi

    • Auknar fraktflutningar og fjölbreytta þjónustu
    • Styrkja siglingatengingar við Evrópu
    • Styðja við uppbyggingu matvælaiðnaðar

    • Skapa ný störf og laða að fjárfestingu

Hafnartengd starfsemi er lykilforsenda áframhaldandi vaxtar og fjölbreytni atvinnulífs í Ölfusi.

Matvælaiðnaður

Verðmæti úr hreinum auðlindum

Ölfus hefur aðgengi að orku, vatni og hafnaraðstöðu sem skapar sérstöðu fyrir landeldi og matvælaframleiðslu.

Lesa meira

Matvælaiðnaður

Verðmæti úr hreinum auðlindum

Matvælaiðnaður í Ölfusi byggir á sterkri stöðu í landbúnaði og nálægð við hafnaraðstöðu. Aðgengi að orku, vatni og landrými skapar sérstöðu fyrir uppbyggingu landeldis og annarrar matvælaframleiðslu.

Samspil við Þorlákshöfn og aðra innviði sveitarfélagsins styrkir stöðu fyrirtækja í framleiðslu og útflutningi.

Áherslur í matvælaiðnaði

    • Uppbygging landeldis og matvælaframleiðslu
    • Nýsköpun og aukin verðmætasköpun
    • Aðgengi að orku og traustum innviðum
    • Sterk tenging við hafnartengda starfsemi

Matvælaiðnaður er lykilstoð fjölbreytts og samkeppnishæfs atvinnulífs í Ölfusi.

Grænir Iðngarðar

Sjálfbær uppbygging á Hafnarsandi

Hafnarsandur býður upp á skipulagt atvinnusvæði með landrými, nálægð við höfn og aðgengi að orku.

Lesa meira

Grænir Iðngarðar

Uppbygging atvinnusvæðis á Hafnarsandi

Hafnarsandur er eitt stærsta skipulagða atvinnusvæði sveitarfélagsins og gegnir lykilhlutverki í framtíðaruppbyggingu Ölfuss. Nálægð við Þorlákshöfn, aðgengi að orku og landrými skapa raunhæfan grunn fyrir uppbyggingu iðnaðar og framleiðslu.

Markmiðið er að nýta samlegðaráhrif fyrirtækja á svæðinu, styrkja innviði og byggja upp samkeppnishæft atvinnusvæði til lengri tíma.

Áherslur í uppbyggingu iðngarða

    • Samnýting innviða og orku
    • Hagkvæm uppbygging og skýrt skipulag
    • Nálægð við höfn og flutningsleiðir
    • Aðdráttarafl fyrir ný fyrirtæki og fjárfestingu

Hafnarsandur er lykilsvæði í að tryggja fjölbreytta og sjálfbæra atvinnuuppbyggingu í Ölfusi.

Menntun, vísindi og nýsköpun

Þekking sem drifkraftur verðmætasköpunar

Uppbygging sérhæfðra starfa í tengslum við höfn, matvælaframleiðslu og iðngarða kallar á markvissa þekkingaruppbyggingu.

Lesa meira

Menntun, vísindi og nýsköpun

Þekking sem drifkraftur verðmætasköpunar

Uppbygging hafnartengdrar starfsemi, matvælaiðnaðar og iðngarða kallar á sérhæfð störf og aukna þekkingu. Mannauður og sérfræðiþekking eru því lykilforsendur þess að Ölfus verði samkeppnishæft og aðlaðandi atvinnusvæði.

Áhersla er lögð á samstarf við menntastofnanir og fyrirtæki til að styðja við nýsköpun og þróun í takt við þarfir atvinnulífsins.

Áherslur í menntun og nýsköpun

    • Uppbygging sérhæfðra og þekkingartengdra starfa
    • Samstarf við menntastofnanir og rannsóknaraðila
    • Stuðningur við frumkvöðla og nýsköpunarfyrirtæki
    • Hönnun umhverfis sem laðar að hæft starfsfólk

Markmiðið er að styrkja stöðu Ölfuss sem þekkingardrifið og framsækið atvinnusamfélag.

Ferðaþjónusta, menning og listir

Upplifun og fjölbreytt störf

Markmið er að auka samspil á milli áfangastaða og styrkja ímynd Ölfuss sem áfangastaðar fyrir náttúru, menningu og afþreyingu.

Lesa meira

Ferðaþjónusta, menning og listir

Upplifun og fjölbreytt störf

Ölfus býr yfir fjölbreyttri náttúru, strandlínu og menningararfi sem skapa tækifæri til frekari uppbyggingar ferðaþjónustu. Nálægð við höfuðborgarsvæðið og Þorlákshöfn styrkir stöðu svæðisins sem áfangastaðar fyrir dagsferðir og lengri dvöl.

Með markvissri uppbyggingu og auknu samstarfi má skapa meiri verðmæti og fjölbreytt störf.

Áherslur í ferðaþjónustu og menningu

    • Auka samstarf og samspil á milli áfangastaða
    • Skýra og styrkja ímynd Ölfuss
    • Efla fjölbreytta afþreyingu og menningarstarfsemi
    • Auka verðmætasköpun úr náttúru- og menningarauðlindum

Ferðaþjónusta og menning geta orðið mikilvæg stoð í fjölbreyttu atvinnulífi og auknum lífsgæðum í Ölfusi.

Innviðir og Orka

Sterkir innviðir - grunnur að vexti

Traustir innviðir og örugg orka eru forsenda áframhaldandi atvinnuuppbyggingar.

Lesa meira

Innviðir og orka

Sterkir innviðir – grunnur að vexti

Frekar atvinnuuppbygging í Ölfusi byggir á traustum og vel skipulögðum innviðum. Aðgengi að orku, vatni, lóðum og greiðum samgöngum er lykilforsenda þess að fyrirtæki geti vaxið og ný starfsemi haslað sér völl.

Uppbygging hafnarinnar og atvinnusvæða kallar á skýrt skipulag og samhæfða þróun innviða til lengri tíma.

Áherslur í innviða- og orkumálum

    • Tryggja nægt aðgengi að orku og vatni
    • Styrkja samgöngur og tengingar við höfn
    • Skýrt og skilvirkt skipulag atvinnusvæða
    • Efla stafræna innviði og fjarskiptakerfi

Innviðir eru undirstaða samkeppnishæfni og sjálfbærs vaxtar í Ölfusi.

Íbúar mótuðu stefnuna

Samráð og greining sem lagði grunn að atvinnustefnunni

Íbúakönnun vegna atvinnustefnu Ölfuss fór fram dagana 13.–25. mars 2024 og var opin öllum íbúum sveitarfélagsins. Könnunin markaði fyrsta formlega skrefið í mótun atvinnustefnunnar.

Markmiðið var að fá fram skýra mynd af stöðu atvinnulífs í Ölfusi, helstu styrkleikum, áskorunum og þeim tækifærum sem íbúar telja mikilvæg til framtíðar.

Aðferð og úrvinnsla

Við úrvinnslu niðurstaðna var meðal annars stuðst við SVÓT-greiningu (styrkleikar, veikleikar, ógnanir og tækifæri) til að meta stöðu sveitarfélagsins.

Niðurstöður könnunarinnar voru nýttar sem grunnur að frekara samráði, vinnustofum og forgangsröðun áherslusviða atvinnustefnunnar 2025–2030.

Mikilvægi íbúasamráðs

Samráðið endurspeglar vilja sveitarfélagsins til að byggja stefnumótun á víðtækri þátttöku og raunverulegu samtali við íbúa og atvinnulíf.

Niðurstöður íbúakönnunarinnar höfðu bein áhrif á mótun og forgangsröðun atvinnustefnunnar.

  • 13.-25 mars 2024
  • Opin öllum íbúum Ölfuss
  • Unnin með SVÓT-greining
  • Niðurstöður mótuðu áherslusvið 2025-2030

  🔷 Atvinnustefna Ölfuss, Íbúakönnun gerð í mars 2024.

Fagleg umsjón og ráðgjöf

Atvinnustefna Ölfuss 2025–2030 var í umsjón Páls Marvin hjá Ölfus Cluster og Kolbrúnar Hrafnkelsdóttur hjá Ardia ehf. Þau stýrðu samráðsvettvanginum og sáu um úrvinnslu og skýrslugerð í tengslum við mótun stefnunnar.

Vinnan byggði á víðtæku samráði við atvinnulíf, íbúa og aðra hagaðila í sveitarfélaginu. Markmiðið var að móta skýra og raunhæfa framtíðarsýn fyrir atvinnuþróun í Ölfusi til næstu ára.