Um okkur
Við elskum áskoranir og ein okkar helsta áskorun er að gera alla framleiðslu í landinu sjálfbæra. Við vinnum eftir auðlindastefnu Ölfus sem segir að vöxtur svæðisins skuli byggja á gildum sjáfbærnis og hins græna og bláa hagkerfis.
Verkefni
Allt frá stórum alþjóðlegum verkefnum til vöruþróunar og/eða nýsköpunar í samstarfi við fyritæki og frumkvöðla.
Ráðgjöf
Á sviði atvinnumála, við stofnun og rekstur fyrirtækJa með áherslu á umhverfisvæna matvælaframleiðslu.
Samstarf
Vettvangur samstarfs og samvinnu fyrirtækja og stofnanna á svæðinu með áherslu á græna og bláa hagkerfið.
Ölfus Cluster vinnur að uppbyggingu atvinnulífs á svæðinu en með sérstakri áherslu á sjálfbæra matvælaframleiðslu. Starfsvæðið er sveitafélagið Ölufs en verkefnin teygja sig víða um land og þá sérstaklega Suðurland.
Ölfus Cluster veitir ráðgjöf á sviði atvinnumála almennt en með áherslu á umhverfisvæna matvælaframleiðslu. Starfssvæðið er allt Suðurland með megin áherslu á Ölfus og nærliggjandi sveitafélög.
Ráðgjöfin felst í aðstoð við stofnun og rekstur fyrirtækja á starfssvæðinu, svo sem við markaðssókn, vöruþróun og nýsköpun og aðstoð við gerð umsókna til fjármögnunar á einstaka verkefnum.
Páll Marvin Jónsson
Framkvæmdastjóri
Páll hefur víðamikla reynslu í stjórnun verkefna og í að draga saman þekkingu og færni ólíkra aðila til að vinna að lausnum og nýsköpun.
Starfsfólk ÖC
Stjórnin okkar
Stjórn er kjörin á ársfundi ÖC og kemur hún úr hópi stofnfélaga eða með tilnefningu frá stofnaðilum.
Ölfus Cluster hefur á að skipa einvala hópi fólks með mikla reynslu úr atvinnulífinu, opinberri stjórnsýslu og rannsókna- og fræðastarfi.
Hópurinn hefur þá sameiginlegu sýn hjá Ölfus Cluster að efla og styðja við atvinnulífið á svæðinu með hugmyndafræði hins græna og bláa hagkerfis að leiðarljósi.
Elliði Vignisson
Bæjarstjóri Ölfus
Elliði er stjórnarformaður Ölfus Cluster, sálfræðingur að mennt og hefur áratuga reynslu af sveitarstjórnarmálum og samfélagsuppbyggingu. Hann starfaði áður sem bæjarstjóri í Vestmannaeyjum og hefur leitt fjölmörg verkefni á sviði atvinnuþróunar, innviðauppbyggingar og stefnumótunar. Með þátttöku sinni í Ölfus Cluster leggur Elliði áherslu á öflugt samstarf atvinnulífs, sveitarfélags og samfélagsins með sjálfbæra þróun og framtíðarsýn fyrir Ölfus að leiðarljósi.
Grétar Ingi Erlendsson
Verkefnastjóri í ferðaþjónustu
Grétar starfar sem verkefnastjóri í ferðaþjónustu og er jafnframt formaður bæjarráðs Ölfuss. Hann býr yfir víðtækri reynslu af markaðssetningu, þjónustu og uppbyggingu ferðaþjónustu og hefur góða innsýn í þróun sveitarfélagsins og þarfir atvinnulífsins. Með þátttöku sinni í Ölfus Cluster leggur Grétar áherslu á eflingu ferðaþjónustu, sýnileika svæðisins og aukið samstarf sem stuðlar að fjölbreyttari atvinnusköpun í Ölfusi.
Haukur Þór Haraldsson
Viðskiptaþróunarstjóri
Haukur Þór er menntaður í líffræði og viðskiptafræði og starfar sem viðskiptaþróunarstjóri hjá Verkís. Hann hefur víðtæka reynslu af verkefnaþróun, stefnumótun og uppbyggingu samstarfs milli fyrirtækja, stofnana og samfélagslegra hagaðila. Með þátttöku sinni í Ölfus Cluster leggur Haukur áherslu á nýsköpun, sjálfbæra atvinnuuppbyggingu og að skapa tækifæri til vaxtar og verðmætasköpunar í sveitarfélaginu.
Helga Kristín Jóhannsdóttir
Viðskiptaþróunarstjóri hjá Orku náttúrunnar
Helga hefur starfað bæði á sviði opinberrar stefnumótunar og innan framsækinna orkufyrirtækja og hefur verið virk í að móta framtíðarsýn um sjálfbæra nýtingu náttúruauðlinda. Með þátttöku sinni í Ölfus Cluster leggur hún áherslu á tengingu við nýsköpun, kolefnishlutleysi og ábyrga auðlindanýtingu í þágu samfélagsins.
Svava Rán Karlsdóttir
Mannauðsstjóri IWH
Svava Rán starfar sem mannauðsstjóri hjá Icelandic Glacial í Ölfusi. Á rúmlega 25 ára ferli hefur hún komið víða við, en rauði þráðurinn hefur ávallt verið fræðslu- og mannauðsmál, bæði á Íslandi og í Bretlandi. Þessi víðtæka og alþjóðlega reynsla mun nýtast vel í áframhaldandi uppbyggingu Ölfus Cluster.
Ingimar Rafn Ágústsson
Framleiðslustjóri hjá VAXA Technologies
Ingimar Rafn er framleiðslustjóri hjá VAXA Technologies í Þorlákshöfn. Hann er menntaður vélvirkjameistari og hefur starfað hjá fyrirtækinu frá árinu 2019. Árið 2022 leiddi hann uppbyggingu vinnslu VAXA í Þorlákshöfn og hefur síðan komið að þróun og daglegri stjórnun framleiðslu með áherslu á fagmennsku, gæði og öflugt teymisstarf. Með þátttöku sinni í Ölfus Cluster leggur hann áherslu á nýsköpun, verðmætasköpun og áframhaldandi uppbyggingu atvinnulífs í Ölfusi.
Gulla Aradóttir
Stofnandi og framkvæmdastjóri Ice Fish og framkvæmdastjóri Lýsis í Þorlákshöfn
Gulla hefur víðtæka reynslu af sjávarútvegi, framleiðslu, rekstri og viðskiptaþróun með sérstaka áherslu á verðmætasköpun úr sjávarauðlindum. Hún er stofnandi og framkvæmdastjóri Ice Fish og er jafnframt framkvæmdastjóri Lýsis í Þorlákshöfn. Gulla er með B.Sc.-gráðu í Sport Science & Physical Education og stundar nú Executive MBA-nám við Háskólann í Reykjavík. Með reynslu sinni færir Gulla Ölfus Cluster sterka tengingu við staðbundinn iðnað, rekstur og sjálfbæra nýtingu sjávarauðlinda.